Page : home > Planning for the Future > Wales > Cymraeg > Gwybod beth yw'r heriau

Gwybod beth yw'r heriau

Cytunir yn gyffredinol ei bod yn bwysig i sicrhau bod y broses o ddatblygu gwasanaethau priodol i oedolion wedi ei gynllunio‘n dda a’i reoli’n ofalus ac yn dwyn at ei gilydd yr holl rhanddalwyr sydd â diddordeb yn yr unigolyn. Fodd bynnag, gall hyn fod yn broses gymhleth, yn enwedig i bobl ag anghenion heriol. Mae llawer o resymau am hyn, ac yn y tabl isod gwelir rhai o’r anawsterau mwyaf cyffredin y gallech eu hwynebu – gyda rhai o’r allweddau i ddelio gyda phob problem yn y golofn dde.

Y “broblem”	Yr ateb

Dull “ffitio’r person i’r hyn sydd ar gael” yn hytrach na dull person-ganolog. Byddwch yn dod ar draws pobl sy’n credu fel hyn oherwydd maent yn ei ystyried yn opsiwn “haws”.	OND – dylid herio hyn: mae llawer o enghreifftiau o ddull person-ganolog sydd wedi golygu gwella ansawdd bywyd uniglion gydag anghenion cymhleth

Diffyg dewis addas o dai presennol	OND – mae nifer o sefydliadau a all gynghori ar ystod gwahanol o dai. Ewch i www.housingoptions.org.uk, ffôn 0845 4561497 neu ebostiwch enquiries@housingoptions.org.uk

Diffyg cefnogaeth digonol i gael mynediad i gyfleoedd Addysg Bellach	OND – mae gan bobl ag anableddau yr un hawliau â phawb arall i addysg barhaol. Mae Cyngor Cyllido Addysg Bellach Cymru wedi bod yn gweithio gydag ystod o golegau ac asiantaethau i geisio sicrhau yr asesir anghenion myfyrwyr gydag anawsterau deallusol yn ofalus gan gynhyrchu rhaglenni i ateb eu hanghenion unigol. Gofynnwch beth sy’n digwydd yn eich ardal chi.

Diffyg cyfleoedd addas yn ystod y dydd	OND – trwy ddefnyddio cyllid unigolyddol a thaliadau uniongyrchol gellir cefnogi pobl i gael mynediad i gyfleusterau cymunedol a chyfleoedd cyflogaeth (gweler pennod 8)

Diffyg dewis addas o gyfleoedd cefnogi gofal	OND – mae nifer o ffyrdd i ddelio â hyn: bydd llawer o sefydliadau sy’n darparu gofal yn gweithio gyda chi i ddod o hyd i atebion hyblyg a pherson-ganolog, neu gallwch gyflogi eich staff eich hun gan ddefnyddio taliadau uniongyrchol (gweler pennod 8)

Lleoliadau allan o’r ardal

Os nodwyd bod unigolyn yn arddangos ymddygiad heriol, mae’n debygol y bydd ef/hi’n cael anhawster i gael mynediad i lawer o wasanaethau cymunedol lleol heb gefnogaeth a/neu addasiadau arwyddocaol i’r gwasanaeth. Yn draddodiadol mae llawer o awdurdodau lleol wedi ymateb i hyn trwy brynu lleoedd arbenigol “allan o’r ardal”. Gall y lleoedd hyn ateb anghenion yr unigolyn ond gallant fod ymhell o’u cartrefi. Gall goblygiadau’r strategaeth hon fod yn arwyddocaol:

Gall gael effaith niweidiol ar yr unigolyn a’r teulu oherwydd diffyg ymrwymiad a chysylltiad â’r teulu.
Gall olygu methu datblygu arbenigedd lleol a chefnogaeth a gwasanaethau cynhwysol.
Dengys ymchwil y bydd plant sy’n cael eu lleoli allan o’u hardal yn fwy tebygol o symud i wasanaethau oedolion allan o’u hardal.

Fodd bynnag, mae llawer o gyfleoedd nawr i bobl gydag anableddau dysgu difrifol ac ymddygiad heriol i gael cefnogaeth dda a chael ansawdd bywyd da o fewn eu cymuned lleol trwy ddull person-ganolog. Amlinellir hyn ym mhennod 6.

Dylai’ch awdurdod lleol fod yn mabwysiadu dull person-ganolog ac felly bod yn barod i ddatblygu gwasanaethau arbenigol lleol neu becyn cefnogaeth i ateb anghenion eich plentyn. Os y cyfan a gynigir i chi yw lleoliad allan o’ch ardal dylech fod yn barod i herio hyn.